अइल अकेल तोहके जाये के अकेल बा।
छूटी जाई जगावा के जेतना झमेल बा।।
कितनो तू सईहरब बाकी अंत समय आवेला।
ए जिनगी के दियना ओह दिन लुकुर झुबुर कापेला-2
उतने जरेला जितना उकेरा में तेल बा-2
छूटी जाई जगावा के जेतना झमेल बा-2
जिनगी ह स्टेशन एगो चहल पहल बा भारी
हरियर झंडी गार्ड देखवलस चले के बा तैयारी-2
सुन सुन लागे अब छूट गइल रेल बा
अइल अकेल तोहके जाये के अकेल बा।
पहिला बचपन दूसर जवानी जे पर सब अगराला
तीसरे चढ़ बुढ़वती मनवा काप काप रहिजाला
इहे तीन घंटा वाला जिनगी के खेल बा
अइल अकेल तोहके जाये के अकेल बा।
इम्तिहान में पास भईल जे राम नाम गोहरवलस
माया ठगनी ये दुनिया के पंकज नाच नचवलस
हसे वाला इकरा में ज़ीरो पा के फेल बा
अइल अकेल तोहके जाये के अकेल बा।
छूटी जाई जगावा के जेतना झमेल बा-2
अइल अकेल तोहके जाये के अकेल बा।
छूटी जाई जगावा के जेतना झमेल बा।।
0 comments:
एक टिप्पणी भेजें