जियता में नाहीं नाहीं मुअला में अइल, बेटा ई का कइल- रचना विद्या सागर

जियता में नाहीं, नाहीं मुअला में अइल,

बेटा ई का कइल,

रीतियो रिवाज भूलि गइल

जबले जियल माई सबही से कहलस

बचवा हमार आई रहिया निहरलस

आवेके कहिके तूंहूं काहे नाहीं अइल

बेटा ई का कइल, रितियो...............

रुक गइली सांस, आश जिनगी के टूटल

तोहके निहारे खातिर आंख रहे खूलल

प्रीतिया के रीति त्यागी कहाँ अंझुरइल

बेटा ई का कइल रीतियो................

जीवन के साथी जब छोड़ि दिहली साथ हो

कइसे बिताइब दिनवा नइखे सुझात हो

"सागर" होइब हमार कइसे, माई के ना भइल

बेटा ई का कइल रीतियो रिवाज भुलि गइल