🗡️✍️ क्षत्रिय के बलिदान ✍️🗡️
बीरवन के बीर गति होखल,ई इतिहास के बात पुरान बा
अत्याचार के विरोध करे में,क्षत्रिय के भइल बलिदान बा
चाहे लड़ाई आजादी के होखे,चाहे बॉडर के सुरक्षा के
बीना क्षत्रिय के शस्त्र उठइले,वतन के,के करी रक्षा के
क्षत्रिय वंश के त्याग तप के,जानत जगत हिन्दुस्तान बा
अत्याचार के विरोध करे में,क्षत्रीय के भइल बलिदान बा
जब करवट सता लेला,चाहे लाज राखेके होला कानुन के
रणभूमी में कुद जाला,अपने हाथे तिलक लगाके खुन के
ना डेराला लड़े मरे से,ई लिखले अपने हाथ से दास्तान बा
अत्याचार के विरोध करे में,क्षत्रीय के भइल बलिदान बा
पीठ पर वार करे ना जाने,घोंपे भाला सोझा से छाती पर
विश्वासघात ना करेला,ना हाथ लगावे दोसरा के थाती पर
आपन सब कुछ लुटाके,दोसरे के बचावे में ई परेशान बा
अत्याचार के विरोध करे में,क्षत्रीय के भइल बलिदान बा
कफन के आपन पोसाक समझेला,मृत्यु के जानेऽ इयारी
कुर्बानी हॅंस के देला,भारत माता के धरती के हऽ पुजारी
ठोक देबे सोझा सोझी,ठोके ठोकाय में पहिला स्थान बा
अत्याचार के विरोध करे में,क्षत्रीय के भइल बलिदान बा
माथ पर पगरी डाड़ में लंगोटा,हाथ में राखे मोटहन सोटा
कटइब कगरी त पटक के रगरी,धके बांह कबार दी झोटा
रहस अजय अपना संस्कार में,ऐकरा पर बेसी ध्यान बा
अत्याचार के विरोध करे में,क्षत्रीय के भइल बलिदान बा
बीर सुखदेव सिंह गोगामेणी के शहादत,अमर कहानी बा
फिर रामचन्द्र महराणा के वंशज,लिखले नया कहानी बा
खुन के धार से निकलल ज्वाला,धरती पर ई कृतिमान बा
अत्याचार के विरोध करे में,क्षत्रीय के भइल बलिदान बा
सर्वाधिकार सुरक्षित @@
कुमार अजय सिंह गीतकार
------------------------------------------------------------
इतिहास गवाह बा क्षत्रिय बल से ना छल से मारल गईल बा !!
बीर शहिद क्षत्रिय के कफन भारत माता के दिहल लहु से खंघारल गईल बा !!
कुमार अजय सिंह गीतकार
नमन एवं विनम्र श्रद्धांजली।
🙏🙏🙏🙏🙏
कोई टिप्पणी नहीं:
एक टिप्पणी भेजें